Áskorun 3 - Náttljós

Þriðja áskorun Forritunarleikanna er náttljós sem sýnir hvernig má stjórna birtustiginu á LED perunum. Á hverjum mánudegi mun koma vikuleg áskorun, alveg fram að lokaviðburði Forritunarleikanna sem verður í maí. 

Forritunarleikar

Í upphafi Forritunarleikanna þarf hver og einn bekkur að útnefna umsjónarmann sem heldur utan um þáttöku nemenda. Umsjónarmaðurinn þarf svo að fylla út í vefformið hér að neðan eftir hverja áskorun. Í hverri viku munum við birta lista hér á síðunni með bestu forritunarskólunum, þeim skólum sem eru með bestu þáttökuna. Í forritun eru oft margar mismunandi leiðir að einu vandamáli og er markmið forritunarleikanna ekki að finna réttu lausnina heldur að taka þátt. Við hvetjum nemendur að fara yfir áskoranirnar hjá hver öðrum því stór hluti af vinnu forritara felst í því að lesa eigin kóða og kóða annarra. Þegar við höfum leyst allar áskoranirnar í vor þá erum við orðin forritarar. Reynum að fá sem flesta til að taka þátt. Við erum forritarar framtíðarinnar.

< Skref 1. />
Fyrsta sem við gerum er að opna ritilinn. Hann má opna með því að smella hér.

< Skref 2. />

Mikilvægt er að breyta nafninu á forritinu í hvert skipti. Smellum í reitinn efst til vinstri þar sem stendur á ensku „Untitled“. Þegar við sækjum forritið á eftir þá ber það heitið Microblikk eða það nafn sem við veljum. Þetta er gert til að auðvelda okkur að aðgreina forritin í sundur.

Í myndbandinu að ofan kom fram að í þessu verkefni notum við þrjá flokka, „Basic“, „Input“ og „LED“. 

< Skref 3. />
Í skrefi 3 notum við „show leds“, „set brightness“ og „on button A pressed“. Undir flokknum „led“ - „more“ finnið þið „set brightness“ og „on start“. Við getum stjórnað birtunni á skjánum með „set brightness“ þar sem gildið 0 slekkur á ljósunum og gefur 255 mestu birtuna. Setjið blokkirnar saman í þá röð sem myndin að neðan sýnir. Upphaflegt birtustig er 255 og þegar við smellum á A er birtustigið 64.

20172002_askorun3_1.png

 

< Skref 4. />
Í skrefi fjögur viljum við bæta við „on button B pressed“. Til að velja breyta um hnapp þá er hægt að smella í felligluggann þar sem stendur A og þar er hægt að velja á milli B og A + B. Þegar við ýtum á hnapp B látum við birtustigið vera 0, þannig að það verði engin birta á skjánum. Á eftirfarandi mynd má sjá viðbótina.

20172002_askorun3_2.png

 

Áskorun

Þegar við erum búin að setja þessa skrá inn á Micro:Bit tölvuna höfum við búað til forrit sem breytir birtunni á Micro:Bit smátölvunni.. Prófaðu að búa tilfleiriforrit með bekkjarfélögum þínum og taktu myndband af Micro:Bit snjókomunni og sendu okkur.