Áskorun 8 - Sannl. eða kontor

Áttunda áskorun Forritunarleikanna er sannleikur eða kontor.

< Skref 1. />
Fyrsta sem við gerum er að opna ritilinn. Hann má opna með því að smella hér.

< Skref 2. />

Mikilvægt er að breyta nafninu á forritinu í hvert skipti. Smellum í reitinn efst til vinstri þar sem stendur á ensku „Untitled“. Þegar við sækjum forritið á eftir þá ber það heitið Microblikk eða það nafn sem við veljum. Þetta er gert til að auðvelda okkur að aðgreina forritin í sundur.

Í myndbandinu að ofan kom fram að í þessu verkefni notum við fimm flokka, „Basic“, „Input“, „Variables“, „Math“ og „Logic“.

 

< Skref 3. />
Í skrefi þrjú smellum við á flokkinn „basic“ og veljum „show leds“. Smellum í reitina þannig þeir myndi ör sem vísar upp. Því næst förum við í „Input“ og veljum „on button A pressed“. Því næst þurfum við að búa til breytu og láta smátölvuna búa til tölu af handahófi. Förum í „Variables“ og  búum til breytu og skýrum hana „Random“ sem við látum standa fyrir handahófskennd tala. Eftir það veljum við „Math“ flokkinn þar sem við látum smátölvuna velja tölu frá 0 til 1. 

Veljum núna „Logic“ flokkinn og notum „if“ eða ef lykkjuna til að athuga hvort talan sem smátölvan valdi af handahófi sé 1 eða 0. Látum breytuna okkar sem við nefndum random vera jafnt og 0. Þegar breytan er 0 þá látum við birtast streng með „Show string“ í „Basic“ flokknum og inn í strengnum mun standa „Truth“. Ef smátölvan valdi ekki töluna 0 af handahófi birtist strengurinn „Dare“ eða kontor. Að lokum látum við píluna birtast á eftir strengnum.

Ef miðjuperan í prófaranum til hliðar blikkar getið þið byrjað á skrefi 4.

20172002_askorun8_1.png

< Skref 4. />
Í skrefi 4 ætlum við að láta velja handahófskenndatölu milli 0 og 2 eins og eftirfarandi mynd sýnir.

20172002_askorun8_2.png

 < Skref 5. />
Bætum við þriðja valmöguleikanum sem er skip. Núna getið þið snúið smátölvunni í hóp ýtt á hnappinn A og séð hvað viðkomandi á að gera. Með öðrum orðum, nú getið þið spilað sannleikann eða kontor.

20172002_askorun8_3.png

 

Áskorun

Búið til ykkar eigin útgáfu af þessum leik t.d. flöskustút eða eitthvað þess háttar og sendið okkur myndband.