Verkefni 4 - Broskall

Fjórða verkefnið sem við ætlum að leysa með ritlinum eru einfaldar skipanir til að birta mismunandi skjámyndir.

Leiðbeiningar

< Skref 1. />
Fyrsta sem við gerum er að opna ritilinn. Hann má opna með því að smella hér.

< Skref 2. />
Í myndbandinu að ofan kom fram að í þessu verkefni notum við tvo flokka, „Basic“ og „Input“.  Undir „Basic“ eru ýmsir valmöguleikar og ætlum við að nota „Show leds“ og „on start“. Smellum í reitina eins og eftirfarandi mynd sýnir svo að reitirnir myndi broskall.

20172002_verkefni4_1.png

< Skref 3. />
Í skrefi þrjú smellum við á flokkinn „Input“ og smellum á „on button A pressed“. Með því að smella á felligluggann getum við valið á milli tveggja hnappa, A og B. Í upphafi veljum við hnappinn A. Því næst förum við í „Basic“ listann og veljum aftur „show leds“ og pössum okkur að draga þann reit inn í fjólubláa rammann. Endurtökum sama skref og áðan og smellum í reitina þannig að á skjánum birtist fýlukall. Prófum að smella á A hnappinn á prófaranum til vinstri og sjá hvort það birtist fýlukjall á skjánum.  

20172002_verkefni4_2.png

< Skref 4. />
Við ætlum að endurtaka skref 3. nema í staðinn fyrir að velja hnapp A í felliglugganum veljum við hnapp B. Notum sömuskjámynd og í upphafi, broskall. Það má gera með því að smella á upphaflegu myndina og ýta á „ctrl + c“ á lyklaborðinu og síðan „ctrl + v“. Þetta er aðgerð sem við þekkjum sem „copy and paste“ eða afrita og líma. Þetta má líka gera með því að endurtaka skref númer 2.

20172002_verkefni4_3.png

 < Skref 5. />
Við getum prófað að smella á spila og stoppa hnappinn til að sjá hvernig skjámyndin birtist á prófaranum til vinstri. Þegar við erum sátt við niðurstöðuna í prófaranum smellum við á „Download“ og setjum skrána inn á Micro:Bit smátölvuna.

 

Áskorun

Þegar við erum búin að setja þessa skrá inn á Micro:Bit tölvuna getum við sýnt tvo mismunandi broskalla með smátölvunni. Prófaðu að fara í „Input“ og bæta við hvað gerist ef við ýtum á A og B hnappana samtímis. Þá veljum við sama hlut í listanum og áðan nema veljum A+B í felliglugganum. Prófaðu þig áfram og búðu til þína eigin broskalla.